चोरी जारी करू ना बाबू
मूंछ पैना कै रहिये तू
यो जावै मेरा लाडला बेटा
छाती ताण कै कहिये तू

सरनेम तेरा मन्नै मिलर्या बाबू
और क्याहे की लोड नहीं
माँ मेरी देवी माँ बरगी
और तेरे तै बड़ा गोड़ नहीं

नशे पते कै हाथ ना लाऊँ
करूँगा रोशन नाम तेरा
ठेका ना मन्नै दुनिया का
बस करै प्राउड गाम तेरा

मेरी खातर तोड्या गात तन्नै
बाल्धा की ज्यू खेता मै
जेंटलमैन मैं बणा दिया
तू आप रुल्या था रेता मै


Leave a Reply

Your email address will not be published.